Бразилиялик футболчи – Жоване Эльбер «Штутгарт» жамоасида тўп сураётганда, биринчи таймда судья билан гаплашганлиги боис қизил карточка билан «сийланади». Иккинчи таймда эса у жаҳл билан оғзига қизил скоч ёпиштирган ҳолда майдонга тушади.
Испаниянинг Баско провинцияси Бильбао шаҳрининг футбол жамоаси – «Атлетик» таркибида фақатгина маҳаллий футболчилар ва келиб чиқиши айнан Басколар уруғидан бўлган миллат футболчилари ўйнайди.
Жаҳон чемпионатининг саралаш плей-офф турларида учрашган икки қўшни мамлакат – Гондурас ва Сальвадор ўйинлари сиёсий тус олиб, олти кунлик ўзаро урушга сабаб бўлган.
Гуус Хиддинк профессионал карьерасини маҳаллий «Де Графсхап» таркибида бошлайди. Уч йил ўтиб уни «ПСВ» сотиб олади. Лекин бир мавсумдан сўнг «Де Графсхап» фанатлари мустақил равишда 40 минг гульден йиғиб, Хиддинкни севимли жамоаларига қайтарадилар.
Бельгиялик футболчи Стэн ван ден Байс 1995-96 йилги миллий чемпионатда, «Жерминаль Экерен» ва «Андерлехт» учрашувларида 3 маротаба автоголни амалга оширади. Натижада рақиб жамоа бирон марта ҳам гол киритмаган ҳолда 3:2 ҳисобида ғалаба қозонади.
1974 йили футбол бўйича Жаҳон чемпионатида Нидерландия терма жамоаси финалгача 14 та гол уради ва ўз дарвозасига биттагина тўп ўтказиб юборади. У ҳам бўлса ўз жамоадошлари Рууд Крол тепган тўп эди. Янаям қизиғи – чемпионат тугагач, ҳомийлар Руудга автоголи учун ҳам рағбатлантириш маблағини тўлашга мажбур бўладилар. Сабаби – шартномада автоголлар учун истисно вазиятлар назарда тутилмаган эди.
1976 йили «Астон Вилла» футболчиси Крис Николл «Лестер Сити»га қарши кечган ўйинда рақиб дарвозасига иккита гол ва яна иккита автогол уришнинг уддасидан чиқади. Унинг бу фаоллиги оқибатида учрашув 2:2 ҳисобида якунланади.
