Хитой терма жамоалар ўртасида ҳар йили ўтказиладиган мусобақа ташкид қилмоқчи, дея хабар беради Reuters.
Хитой йирик тадбиркорлар кўмагида ФИФА билан келгуси йилда миллий терма жамолар ўртасида Хитой кубоги мусобақасини ўтказишга келишиб олди.
Режага кўра, мусобақа ҳар йили январь ойида, Европа чемпионатларида танаффус бўлган вақтда ўтади. Биринчи мусобақада саккизта терма жамоа иштирок этиши мумкин.
"Биз Осиёнинг энг кучли футбол мамлакатига айланмоқчимиз ва бунинг учун барча усулларни қўллаймиз", - дейди компанияси ФИФА ҳомийларидан бири бўлган хитойлик магнат Ван Цзяньлинь.
Агентлик фикрича, мусобақа Хитойнинг ФИФА рейтингидаги ўрнига қўшимча очколар келтириш учун уюштирилмоқда. Ушба рейтингда Хитой ҳозир 81-ўринда бормоқда.
Хитой терма жамоаси жаҳон чемпионатларида фқат бир марта - 2002 йилда қатнашаган ва гуруҳдан чиқа олмаган. Шундан сўнг Хитой ҳукумати 2050 йилга бориб мамлакат футболи дунёда биринчи ўринга чиқишини белгилаб қўйган.
