Леверкузеннинг «Байер» клуби спорт директори Руди Фёллер жамоа Германия чемпионатида ўз олдига энг юқори мақсадларни қўйиши керак деб ҳисобламоқда.
«Мен ҳар доим мамлакат чемпиони бўлишга интиламан. Бу менинг орзум, бироқ рақобатчилар ҳам шунга интилишади. Биз янги мавсумда ўйинимизни янада мукаммаллаштирмоқчимиз. Минимум вазифа – Европа лигаси, бироқ Чемпионлар лигасида иштирок этмоқчимиз», - деди Фёллер Rheinischen Post хабарида.
Эслатиб ўтамиз, Ўтган мавсумда «Байер» чемпионатни учинчи ўринда якунлаган эди.