Жанубий Корея терма жамоаси бош мураббийи Ули Штелике Жаҳон чемпионати саралаши 3-босқичи доирасидаги сентябрь ойидаги ўйинларга таркибни эълон қилди. Германиялик 61 ёшли мутахассис Хитой ва Сурия билан ўйинларга 21 футболчини чақирди.

Жаҳон чемпионати саралашининг учинчи босқичида Ўзбекистон билан бир гуруҳдан ўрин олган Жанубий Корея терма жамоас 1 сентябрь куни Хитой термасига қарши ўз уйидаги ўйин билан ушбу босқичдаги иштирокини бошлайди. Беш кун ўтиб, 6 сентябрь куни эса Сурияга қарши сафарда ўйин ўтказади.

Ушбу ўйинлар учун чақирилган таркибдан 5 нафари Бразилияда бўлиб ўтган Олимпиа ўйинларида Жанубий Корея олимпия терма жамоаси шарафини ҳимоя қилиб, чорак финалгача етиб борди. Чорак финалда кореяликлар Гондурас олимпиа терма жамоасига мағлуб бўлди.Олимпиадада иштирок этган ва миллий терма жамоага жалб этилган  футболчилар қуйидагилар:  “Ред Булл” аъзоси Хвон хи Чан, “Тоттенҳэм” ҳужумчиси Сон Хьон Мин, “Трабзонспор” форварди Сок Хён Жун, “Гуанжоу” ҳимоячиси Жан Хен Су, “Сувон” ярим ҳимоячиси Квон Чанг Ҳун.

“Ред Булл” футболчиси Хвон миллий терма жамоа сафига илк бор жалб этилмоқда.

Қуйида Жанубий Корея терма жамоасининг Жаҳон чемпионати саралашининг якуний босқичи учун эълон қилган таркибини келтириб ўтамиз.

Дарвозабонлар: Ким Жин Хён (“Сересо Осака”), Чон Сон Рён (“Кавасаки Фронтейл”), Ким Син Гю (“Виссел Кобе”).

Ҳимоячилар: Ким Ки Хи (“Шанхай Шуэнхуа”), Ким Йон Гвон (“Гуанжоу Эвергарнд”), Хон Жон Хо (“Жиангсу Сунинг”), Жанг Хюн Су (“Гуанжоу Фули”), Ли Йонг (“Санжу Санму”), О Жэ Сок (“Гамба Осака”), Ким Мин Хёк (“Саган Тосу”)

Ярим ҳимоячилар: Ҳан Кук Йонг (“Ал-Гарафа”), Ки Сун Йон (“Суонси Сити”), Жунг Ву Йонг (“Чунцин Лифан”), Ли Чун Йонг (“Кристал Пэлас”), Квон Чанг Йонг (“Сувон”), Ку Жа Чол (“Аугсбург”), Сон Хьон Мин (“Тоттенҳэм”), Ли ЖАй Сунг (“Жонбук Хюндай”), Жи Донг Вон (“Аугсбург”)

Ҳужумчилар: Хвон Хи Чан (“Ред Булл Залцбург”), Сок Хён Жун (“Трабзонспор”)