Спорт билан шуғулланиб турасизми? Қандай тўғри овқатланиш кераклигини биласизми? "Чемпион"ча овқатланиш” рукнида энди шулар ҳақида маълумот берамиз. Умуман олганда ҳар бир спортчи белгиланган овқатланиш тартибга амал қилиши лозим бўлади.
Улар қуйидагича:
1. Бир кунда камида 4 марта таом-егулик истеъмол қилиш керак. Шу билан бирга овқатланиш ораси 5 соатдан ошиб кетмаслиги зарур.
2. Жисмоний зўриқиш машқлари олдидан иложи бўлса, овқатланиш керак эмас. Айниқса кўп, ёғли тамоларни ейиш мутлақо ярамайди. Бундай пайтларда фақатгина асалли чой, қуруқ мевалар ёки шоколад бўлакчасини танаввул қилиш мақсадга мувофиқ.
3. Овқатни бўлса, бевосита жисмоний машқларга киришидан ёки футбол ўйнашдан 3,5 соат олдин ейиш лозим. Машғулотлар ёки футбол ўйини тугагач камида 15-20 дақиқадан кейин нимадир енгил таом ейишга рухсат этилади. Спирт маҳсулоатлари ман этилади.
4. Бир кунлик овқатланиш режаси, ўша кунги машғулотларнинг вақтига боғлиқ бўлиши керак. Агар эрталаб машуғулотлар билан шуғуллансангиз, нонуштадаги энергия миқдорини камайтириб, тушликка урғу беришингиз керак бўлади.
Умуман олганда футболчиларнинг кунлик истеъмол тақсимоти қуйидагича: нонушта 30-35%, тушлик 35-40%, алвон 5-10%, кечки овқат 25-30%.
Футбол ўйнаш билан бирга тренажер залларида гантел ёки штангалар кўтариш билан шуғуллансангиз, овқатланиш сиз учун энг муҳим омиллардан бири бўлиб хизмат қилади. Сабаби, тўғри овқатланиш гавдангизнинг тузилишига ва чидамлилигингизга тўғридан-тўғри таъсир қилади. Ёдда тутингки, 16 ёшгача мунтазам оғир атлетика анжомлари билан тренажер машқларини бажариб бўлмайди. Бодибилдинг спорт турига ҳам 16 ёшдан кейин рухсат этилади. Чунки бу ёшгача ёз организм ўсишда давом этаётган бўлади.
Аксарият футболчилар, тренажер залларида мунтазам шуғулланиб турувчилар спорт формасини сақлаб қолиш учун парҳез қилишга ва оқсил кўпроқ исътемол қилишга ҳаракат қилишади. Оқсил манбаси қаердан олинади? Биринчи навбатда - гўштдан. Аммо у оқсилга бой бўлгани билан ёғга ҳам тўйинган бўлади. Бу эса, профессионал фаолият учун унчалик мақулмас. Шунинг кўпчилик спортчилар асосан қовурилган жўжа ва балиқлар, тухум ва сут маҳсулоатларига ўтиб кетишади. Бунинг ҳам ўзига хос хусусисияти бор.
