Ўзбекистонлик футболчи Сардор Рашидов мавсумни унчалик яхши бошлай олмади. Бунга асосий сабаб — ҳамюртимиз май ойи сўнгида клубидан таътилга чиққанидан сўнг 2 ой давомида дам олди. Табиийки, бунча узоқ танаффусдан кейин футболчи жисмоний ҳолатини тиклаб олиши осон эмас эди.
У энди-энди ўзининг функционал формасини тикламоқда. Сардор "Ал-Жаиш" сафида сўнгги ўйинда 2та гол уришга муваффақ бўлди. Умид қиламиз, Рашидов Қатар чемпионатида кўрсатаётган ўйинини терма жамоа сафида ҳам кўрсатади ва эртага бўладиган Жанубий Кореяга қарши баҳсда Ўзбекистоннинг ижобий натижа қайд этишига ёрдам беради.
