2017 йил ҳам кириб келди. Футболчилар, клублар ўз олдиларига қўйган мақсадлари йўлида давом этаверадилар. Чемпионлар Лигаси финали, Жаҳон чемпионати – 2018 саралаш учрашувлари, миллий чемпионатлардаги ҳал қилувчи баҳслар…
France Football нашри 2017 йилдаги энг муҳим воқеалар тақвимини эслатиб ўтади.
14 январ : Африка миллатлар кубоги – 2017 очилиши
Габон пойтахти Либревилда 14 январ куни 31-бора Африка миллатлар кубоги бошланади. Мусобақани мезбон Габон терма жамоаси Гвинея-Бисау термасига қарши баҳс очиб беради. Финал эса 5 феврал куни бўлиб ўтади. Турнир ғолиби эса тўғридан-тўғри Россияда бўлиб ўтадиган “Конфедерациялар Кубоги – 2017”да иштирок этиш ҳуқуқини қўлга киритади.
24 май : Европа Лигаси финал баҳси
Европа Лигасининг 46-ғолибини аниқлаш баҳси 24 майга мўлжалланган. Учрашув Швецияда “Фрэндс Арена”да бўлиб ўтади. Франциянинг “Лион” ва “Сент-Этьен”, Англиядан «Манчестер Юнайтед», «Тоттенҳэм», шунингдек, «Шалке 04», «Вилльярреал», «Рома» жамоалари ғолиблик учун асосий даъвогарлардан саналишади. Амалдаги чемпион эса Испаниянинг «Севилья» клуби.
3 июнь: Чемпионлар Лигаси финал баҳси
Амалдаги чемпион “Реал” ушбу мавсумда ҳам совринни ҳимоя қилишга ҳаракат қилиб кўради. Рақиблар эса салмоқли. «Қаймоқли»лардан ташқари, “Атлетико Мадрид”, “Барселона”, “Бавария”, “Ювентус” ёки “Боруссия Дортмунд” жамоалари ҳам Кардиффда бўлиб ўтадиган финалгача етиб боришга ва совринни ютиб олишга ҳаракат қилишади.
17 июнь: Конфедерациялар Кубогининг бошланиши
Бу йил 10 марта ўтказиладиган Конфедерациялар Кубоги баҳслари 17 июндан 2 июлгача бўлиб ўтади. Мундиалдан бир йил олдин ўтказиладиган ушбу турнирда қитъа чемпионлари куч синашишади. Мезбон давлат Россия билан бирга Германия (амалдаги чампион), Австралия (Осиё Кубоги – 2015 соҳиби), Чили (Америка Кубоги – 2015” ғолиби), Мексика (КОНКАКАФ – 2015 ғолиби), Янги Зеландия (Океания Кубоги – 2016 ғолиби), Португалия (амалдаги Европа чемпиони) терма жамоалари ва Африка миллатлар кубоги ғолиби баҳсга киришади.
10 октябр : Мундиал – 2018 га бўладиган саралаш ўйинлари якунланиши
2018 йилда Россия яшил майдонларида бўлиб ўтадиган Жаҳон чемпионатининг саралаш баҳслари охирги тур учрашувлари 8-10 октябр кунлари бўлиб ўтади. Европага берилган 13 та ўриндан 9 та терма жамоалар номи маълум бўлади. 2-ўриндаги энг яхши кўрсаткичга эга термалар эса ноябр ойида қолган 4 та терма жамоалар номи аниқлаш учун баҳсга киришади.
1 декабрь : Мундиал учун қуръа маросими
ФИФА 1 декабрь куни Мундиалга йўлланма олган терма жамоалар учун қуръа ташлаш маросимини ўтказади.