«Ливерпуль» клуби 2017 йилни ўта муваффақиятсиз бошлади. Жамоа январь ойида 8та ўйин ўтказиб, фақатгина битта ўйинда ғалаба қозонди. Мерсисайдликлар Англия кубоги доирасида қуйи дивизон вакили "Плимут"ни мағлуб этишди холос.
"Ливерпуль" бош мураббийи Юрген Клопп Англия лигаси кубогида "Саутгемптон"дан учралган мағлубиятдан сўнг (0:1) қанот ҳакамини айблади: "Ҳакамнинг ҳуштагини эшитсак, яхши бўларди. Бунга жорий мавсумда кўп дуч келяпмиз. "МЮ" бизга офсайддан гол урса - ҳуштак йўқ, бугун эса пенальти бўлган эди - ҳакам яна жим".
"Ливерпуль" Англия лига кубоги финалига чиқа олмагани етмаганидек, Англия кубогидаги иштирокини эрта якунланди. Клуб ўз уйида "Вулверхэмптон"га имкониятни бой берди.
Хўш, «Ливерпуль»нинг сўнгги муваффақиятсизликларига ким айбдор: Клоппми ёки ҳакамлар?
