Туриннинг “Ювентус” ҳимоячиси Леонардо Бонуччи меҳмонда пойтахтнинг “Рома”га қарши кечган баҳси (3:1) да жамоасининг мағлубиятини изоҳлаб берди.
“Мағлубият бизни Италия Кубоги финали олдидан қўшимча руҳлантиради. Чоршанба куни мусобақа соврини учун “Лацио”га қарши кураш олиб борамиз, улар яхши жисмоний ва руҳий тайёргарликка эга жамоа.
Қизиқарли ўйин бўлиши кутилмоқда ва биз уни яхши тарзда ўтказишимиз керак. “Рома” билан учрашувда ҳаммасини психология ҳал қилди. Иккинчи бўлимда курашда енгилдик ва бу учун жазоландик. Биринчи бўлимда “Рома”нинг хато қилишини кутгандик”, - дейди Бонуччи.
