Москванинг "Локомотив" клуби ҳужумчиси Жефферсон Фарфан ватанида таътилда бўлгани чоғида телекўрсатувларнинг бирида иштирок этди.

Перулик 32 ёшли футболчига унинг болаликдаги фотосуратларини кўрсатишди. Фарфан болалигидаги қийинчиликларни эслаб кўз ёшларини тутиб туролмади.

"Онам - менга Худо берган энг муҳим инсон. Уни қаттиқ яхши кўраман. У мени ҳар доим қўллаб-қувватлаган, у мен учун ҳам ота, ҳам она эди. Уни қанчалар яхши кўришимни сўз билан ифодалай олмайман..

Мен футболни қумда ўйнаб бошлаганман. Мен бахтиёрман, ўзим учун, оилам учун фахрланаман. Футболчилик фаолиятимни фарзандларимга бағишлайман", - дейди Фарфан.