Хитойда 23 ёшгача футболчилар ўртасидаги Осиё чемпионати финали ўз якунига етди.
Финалда Ўзбекистон терма жамоаси Вьетнамга қарши баҳс олиб борди. 8-дақиқада бурчакдан ошириб берилган тўпни Рустам Ашурматов боши билан дарвозага аниқ йўллаб ҳисобни очди. Кейин Вьетнам терма жамоаси ҳужумчиси Нгуень Хай жаримадан аниқ зарба йўллаб, ҳисобни тенглаштирди.
Биринчи бўлим 1:1 ҳисобидаги дуранг билан ниҳоясига етди. Иккинчи бўлим кучли қор туфайли 50 дақиқага кечиктирилди. Ўйиннинг асосий вақтида ҳисоб ўзгармади. Навбат иккита экстра таймларга етди. 2-қўшимча бўлимнинг сўнгги дақиқасида захирадан майдонга тушган Андрей Сидоров бурчакдан ошириб берилган тўпни дарвозага аниқ йўллаб, Ўзбекистонга чемпионликни тақдим қилди.
U-23. Осиё чемпионати. Финал.
Вьетнам - Ўзбекистон 1:2
Гол: Р.Ашурматов, 8, А.Сидоров, 119 - Нгуень Хай, 41.
