Ўзбекистон кубоги чорак финалдан ўрин олган “Пахтакор” ва “Локомотив” учрашуви ниҳоясига етди. Мазкур баҳс майдон эгаларининг йирик 4:0ҳисобидаги ғалабаси билан якунланди.
Учрашув кутилганидан бироз зерикарли бошланди. Жамоалар асосан майдон марказида кўпроқ ҳаракат қилишди. Ўйиннинг 21-дақиқасида “Пахтакор” ҳимоячиси Егор Кримец ҳисобни очди. Биринчи бўлим якунланиши арафасида Садриддин Абдуллаев рақиб футболчисига боши билан зарба бергани учун қизил карточка олиб майдонни тарк этди.
Иккинчи бўлимни майдон эгалари анча фаол бошлади. Учрашувнинг 53-дақиқасида “Пахтакор” легионери Тиаго Беззера орадаги фарқни биттага оширди.
Ўйиннинг 82-дақиқасида Беззера дубльга эришди. Орадан 7 дақиқа ўтиб заҳирадан майдонга тушган Игорь Сеергев ўйинга якуний нуқтани қўйди. Шу тариқа, “Пахтакор” Ўзбекистон кубоги ярим финал босқичига йўлланмани қўлга киритди.
Ўзбекистон кубоги, чорак финал.
"Пахтакор" - "Локомотив" 4:0 (1:0, 3:0)
Голлар: 1:0 – 21 Кримец, 2:0 – 53 Безерра, 3:0 – 82 Безерра, 4:0 – 89 Сергеев.
"Пахтакор": Элдорбек Суюнов, Акмал Шораҳмедов, Шерзод Аъзамов, Азимжон Аҳмедов (Владимир Козак, 70), Дилшод Раҳматуллаев (Жаҳонгир Аҳмадов, 66), Жалолиддин Машарипов (Жасур Яхшибоев, 82), Исмоил Гонсалвеш (Игорь Сергеев, 78), Егор Кримец, Фаррух Сайфиев, Драган Черан (Жамшид Искандеров, 85), Тиаго Безерра.
"Локомотив": Игнатий Нестеров, Кахи Махарадзе (Диёр Туропов, 84), Садриддин Абдуллаев, Икром Алибоев, Темурхўжа Абдухолиқов (Сардор Рашидов, 58), Сардор Мирзаев (Ҳусниддин Ғофуров, 72), Ислом Тўхтахўжаев, Санжар Шоаҳмедов (Азизбек Омонов, 90), Олег Зотеев, Анзур Исмоилов, Игорь Йелич.
Огоҳлантиришлар: Суюнов 42, Тўхтахўжаев 48, Сайфиев 60, Козак 74.
Четлатиш: Абдуллаев 42.
