Италия терма жамоасининг собиқ бош мураббийи, ҳозирда Хитой терма жамоасини бошқараётган мутахассис Марчелло Липпи 2019 йилнинг февралида мураббийлик фаолиятини тугатиши мумкин.
"Мен уйга қайтишни истаяпман, аммо ишга қайтишни хоҳламаяпман. Шартномам 2019 йилнинг 31 январида, Осиё кубогидан сўнг тугайди. Бу менинг охирги иш жойим бўлса керак. Хитойни февралда тарк этаман", - дейди 70 ёшли мутахассис.
Италия терма жамоаси 2006 йилда Липпи бошқарувида жаҳон чемпиони бўлган эди. Мутахассис "Ювентус" билан Италия чемпионати ва чемпионлар лигасида ғолиб бўлган. Шунингдек Италия терма жамоасида мағлубиятсиз ўйинлар серияси рекордини ўрнатган (31 ўйин).
