Италия А сериясида 34-тур ўйинлари якунланди. «Аталанта» ўз майдонида «Удинезе»ни қабул қилиб, ишончли ғалабани қўлга киритди.

Бергамоликлар ўйин тақдирини сўнгги дақиқаларда ҳал қилишди. 81-дақиқада "Удинезе" дарвозаси томон белгиланган пенальтини де Рон аниқ амалга оширган бўлса, орадан 4 дақиқа ўтиб Пашалич ўйиндаги якуний ҳисобни ўрнатди.

Ушбу ғалабадан кейин "Аталанта" ўз очколарини 59тага етказиб, ЕЧЛ йўлланмасини берадиган 4-ўринга кўтарилиб олди. Жамоа 3-ўриндаги "Интер"дан 3 очко ортда қолаётган бўлса, 5-поғонадаги "Рома"дан 1 очко олдинда бормоқда.

Италия А серияси, 34-тур
Аталанта – Удинезе 2:0 (0:0, 2:0)
Голлар: 1:0 – 81, пенальти де Рон, 2:0 – 85 Пашалич.
Аталанта – Голлини, Манчини (Пикколи, 46), Паломино, Масьелло, Хатебур, де Рон, Фройлер (Гимшити, 78), Госенс (Кастань, 64), Пашалич, Гомес, Сапата.
Удинезе – Муссо, Ларсен, Де Майо (Нюйтинк, 71), Самир, Д'Алессандро (Окака Чука, 84), Мандрагора (Агеманг-Баду, 74), Сандро, Зегелар, Пуссетто, де Пауль, Лазанья.
Огоҳлантиришлар: Зегелар (55), Самир (64).