Лига кубоги доирасида яна бир учрашув Қаршида бўлиб ўтди. Унда “Насаф” клуби “Навбаҳор” билан ўйнади ва йирик ҳисобдаги ғалабани қўлга киритди.

Учрашувнинг 21-дақиқада Ҳумоюн Муртозаев наманганликлар дарвозасини ишғол қилди, орадан бир дақиқа ўтар-ўтмас Муртазоев дублини нишонади. Мазкур голлар урилганидан кўп ўтмай Азиз Ибрагимов ҳиссиётларини жиловлай олмади ва рақиб футболчисини тургани учун майдондан четлатилди.

Иккинчи бўлим дебютида Умар Эшмуродов пенальтини аниқ бажариб, ҳисобни йирик кўринишга олиб келди. 80-дақиқада меҳмонларда иккинчи четлатиш рўй берди. Ғиёс Комилов иккинчи сариқ карточкасини олиб майдонни тарк этди. Ўйин якунланиши арафасида Худоёхон Саъдуллаев жамоасининг тшртинчи голини урди.

Лига Кубоги, 1-тур

“Насаф” – “Навбаҳор” 4:0 (2:0, 2:0)

Голлар: 1:0 - 21 Муртозаев, 2:0 - 22 Муртозаев, 3:0 50, пенальта Эшмуродов, 4:0 – 89 Саъдуллаев.

"Насаф": Абдувоҳид Неъматов, Ҳумоюн Муртозаев, Жўрабек Маннонов, Алишер Юсупов, Дониёр Нарзуллаев (Худоёхон Саъдуллаев, 77), Бобир Давлатов (Сардор Саъдуллаев, 77), Сардор Абдураимов, Акмал Мозговой, Ислом Рашидхонов, Шерзод Насруллаев, Умар Эшмуродов.

"Навбаҳор": Мирзоҳид Маматхонов, Азиз Ибрагимов, Славко Лукич (Мирзоҳид Ғофуров, 56), Шаҳзод Шайманов, Баҳодир Насимов, Игорь Голбан, Хожиакбар Юнусов, Абдужамол Исроилов, Ғиёс Комилов, Улуғек Акназаров (Шоҳруҳмирзо Аҳмадалиев, 46), Зафар Тўраев

Огоҳлантиришлар: Мозговой (23), Комилов (49), Исроилов (84).

Четлатишлар: Ибрагимов (23), Комилов (80).