"Ливерпуль" бош мураббийи Юрген Клопп январь ойида Англия премьер-лигасининг энг яхши мураббийи деб топилди.
Германиялик мутахассис учун бу соврин жорий мавсумдаги бешинчи бўлди. Бунгача Клопп 2019 йилнинг август, сентябрь, ноябрь ва декабрь ойиларида АПЛнинг энг яхши мураббийига аталган совринни қабул қилиб олган эди.
Мерсисайдликлар устози ушбу натижа бўйича "Манчестер Сити" бош мураббий Хосеп Гвардиоланинг рекордини янгилади. Испаниялик мутахассис 2017/2018 йилги мавсумда 4 марта шундай совринга эга чиққан эди.
Клопп фаолияти давомида саккизинчи марта Англия чемпионатида ойнинг энг яхши мураббийи деб топилди.