Халқаро футбол ассоциациялари федерацияси (ФИФА) бугун дунё терма жамоаларининг янги рейтинг жадвалини эълон қилди.

Ўзбекистон терма жамоаси ўтган ойда эгаллаб турган 85-поғонани сақлаб қолди. Термамиз ҳисобидаги баллар сони ҳам ўзгармади — 1289 очко. Жамоамиз Осиё қитъасида 11-ўринни эгаллаб турибди. Қитъамизда Япония (28-ўрин), Эрон (33), Жанубий Корея (40), Австралия (42), Қатар (55) ва Саудия Арабистони (67) терма жамоалари юқори поғоналарни банд этишган.

Умумий рейтингни ҳам Бельгия терма жамоаси бошқариб турибди. Франция ва Бельгия кучли учликка, Англия ва Уругвай эса кучли бешликка киришган.

ФИФА рейтинги (топ-10):

1. Бельгия (1765 очко)
2. Франция (1733)
3. Бразилия (1712)
4. Англия (1661)
5. Уругвай (1645)
6. Хорватия (1642)
7. Португалия (1639)
8. Испания (1636)
9. Аргентина (1623)
10. Колумбия (1622)
…
85. Ўзбекистон (1289)