Куни кеча "Coca Cola" Суперлигасининг 1-тур доирасида бўлиб ўтган "Пахтакор"-"Навбаҳор" (2:1) жамоалари ўртасидаги учрашувдан сўнг, меҳмонларнинг россиялик легионер футболчиси Иван Соловёв телеграм орқали учрашувни бошқариб борган Ҳалқаро тоифадаги ҳакам Ильгиз Танташевни куракда турмайдиган сўзлар билан ҳақорат қилгани ҳақидаги видеоси кенг тарқалди.
Россиялик футболчи ушбу видео орқали Тошкентга ташриф буюрган мухлисларга миннатдорчилик билдирди ва якунда учрашув бош ҳаками Ильгиз Танташевни ҳақорат қилди.
Эслатиб ўтамиз, Иван Соловёв "Навбвҳор" таркибига 2019 йилги мавсумнинг бошида келган ва ўтган йилги мавсумда 24 та учрашувда 1989 дақиқа ҳаракат қилган ва битта гол киритиш билан бир қаторда олтита сариқ карточка ва битта қизил карточкага лойиқ деб топилган.
Умид қиламизки, Ўзбекистон Профессионал футбол лигаси футболчининг ушбу видеосига ўз муносабатини билдиради.
