«Барселона» клуби сардори Лионель Месси 2009 йилдан кейинги бир қатор статистика бўйича дунёнинг тенгсиз футболчиси бўлиб қолмоқда.

FootballFunnys футболчи 2009—2020 йиллар оралиғида қайси кўрсаткичлар борасида энг яхши экани ҳақида маълумот берди.

Унга кўра аргентиналик футболчи қўйидаги статистикалар етакчилик қилмоқда:

— Гол;

— Голли узатма;

— Голли вазиятлар содир этиш;

— Дриблинг;

— Жарима зарбасидан урилган голлар;

— Жарима майдони ташқарисидан урилган голлар;

— «Олтин тўп»;

— «Олтин бутса»;

— ФИФА томонидан тақдим этиладиган «Йилнинг энг яхши ўйинчиси» соврини.

Маълумот учун, Месси бутун фаолияти мобайнида «Барселона»да тўп суриб келади. Лео каталонлар билан ўн марта Испания чемпионати, олти бор мамлакат Кубоги ва саккиз марта Испания Суперкубогида ғолиб чиққан. Шунингдек, футболчи тўрт карра Чемпионлар Лигаси, уч каррадан УЕФА Суперкубоги ва клублар ўртасидаги Жаҳон Чемпионати ғолиби ҳисобланади.