Нидерландиянинг "SciSports" информацон компанияси Бельгиянинг Леван университети билан ҳамкорликда Лионель Месси ва Криштиану Роналдунинг футболчилик хусусияти борасида тадқиқот ўтказди.

Эълон қилинган ҳисоботга кўра, «Барселона» сардори майдонда «Ювентус» форвардига нисбатан 2 баравар кучли экани исботланди.

Уларнинг қобилиятини баҳолашда футболчиларнинг жуда кўп хусусиятлари инобатга олинган ҳолда коэффициент тузиб чиқилди. Жумладан, уларнинг ҳаракатлари учрашувнинг якуний натижасига таъсири нуқтаи назарда таҳлил қилинди.

Бундан ташқари, футболчиларнинг 2013-2018 йиллардаги статистикалари инобатга олинди. Айнан шу даврда Роналду самарадорлик борасида фаолиятининг юқори чўққисига чиққан эди. Шунга қарамай, Месси Криштиануга нисбатан кучлироқ экани маълум бўлди — 1,21 ва 0,61.

Тадқиқот хулосаси шуни кўрсатдики, Лионель кўпроқ тўп билан муомалада бўлади, вазиятлар яратади ва матчнинг якуний натижасига кўпроқ таъсир кўрсатади.