Халқаро футбол ассоциациялари федерацияси (ФИФА) бугун дунё терма жамоаларининг июнь ойидаги рейтинг жадвалини эълон қилди. Бир неча ойдан бери терма жамоалар расмий ва ўртоқлик ўйинларини ўтказа олмаётгани учун бу сафар рейтингда ҳеч қандай ўзгариш рўй бермади.

Ўзбекистон терма жамоаси ўтган ойда эгаллаб турган 85-поғонани сақлаб қолди. Термамиз ҳисобидаги баллар сони 3тага камайиб, 1286 очкони ташкил қилмоқда. Жамоамиз Осиё қитъасида 12-ўринни эгаллаб турибди. Қитъамизда Япония (28-ўрин), Эрон (33), Жанубий Корея (40), Австралия (42), Қатар (55) ва Саудия Арабистони (67) терма жамоалари юқори поғоналарни банд этишган.

Умумий рейтингни ҳам Бельгия терма жамоаси бошқариб турибди. Франция ва Бразилия кучли учликка, Англия ва Уругвай эса кучли бешликка киришган.

ФИФА рейтинги (топ-10):

1. Бельгия (1765 очко)
2. Франция (1733)
3. Бразилия (1712)
4. Англия (1661)
5. Уругвай (1645)
6. Хорватия (1642)
7. Португалия (1639)
8. Испания (1636)
9. Аргентина (1623)
10. Колумбия (1622)

Осиё мамлакатлари рейтинги:
28. Япония (1500)
33. Эрон (1489)
40. Жанубий Корея (1464)
42. Австралия (1457)
55. Қатар (1396)
67. Саудия Арабистони (1351)
70. Ироқ (1344)
71. Бирлашган Араб Амирликлар (1334)
76. Хитой (1323)
79. Сурия (1314)
82. Уммон (1303)
85. Ўзбекистон (1286)