Антуан Гризманн «Барселона» тарихида франциялик тўпурарлар рўйхатида 2-ўринга кўтарилиб олди. Бу ҳақда "кўк-анорранглилар" расмий сайти хабар тарқатди.

Гризманн Испания кубоги чорак финал босқичи доирасида «Гранада» дарвозасига 2та гол уриб, "Барса" сафидаги голлари сонини 27тага етказиб олди. Франциялик футболчи каталониялик футболкасида 77та ўйинда майдонга тушган.

Ушбу кўрсаткич бўйича у Людовик Жюлини ортда қолдирди. Мазкур ярим ҳимоячи "Барселона" таркибида 124та баҳсда 26та гол урган.

Гризманн бу борада етакчи бўлиб турган Тьерри Анри (49 гол)га етиб олиш имкониятига эга.

Дарвоқе, Усмон Дембеле рекордни янгилаш учун даъвогарлар бири ҳисобланади. У ҳозирда 24та гол билан 4-ўринни эгаллаб турибди.