"Тоттенхем" бош мураббийи Жозе Моуриньо Загребнинг "Динамо"сига қарши бўлиб ўтадиган Европа Лигаси 1/8 финал жавоб учрашуви ҳақида фикр билдирди.
«Менимча, бу унчалик ҳам ишончли устунлик эмас. Ижобий натижага эришиш учун ғалаба қозонишимиз керак. Биз 0:1, 1:2 ёки 1:3 ҳисобида мағлуб бўлган тақдиримизда ҳам кейинги босқичга чиқамиз, аммо мен бундан хурсанд бўлмайман.
Биз Европа Лигасида ҳимоявий ўйин кўрсатиб, ҳисобни сақлаб қолиш учун ўйнамаяпмиз. Ғалаба қозонишга ҳаракат қилишимиз керак», - дейди португалиялик мутахассис.
Эслатиб ўтамиз, биринчи ўйин «шпорлар» нинг ўз уйидаги 2:0 ҳисобидаги ғалабаси билан тугаган эди. Европа Лигаси 1/8 финал жавоб учрашуви эса 18 март куни Загребда бўлиб ўтади.
