12 январь куни Дубай шаҳрида ташкиллаштирилган махсус матбуот анжуманида "Dubai Matchworld Cup 2012" турнири дастурининг расмий тақдимоти бўлиб ўтди.
Маросимда жаҳон футболи юлдузи, айни вақтда Махачқалъанинг "Анжи" клуби шарафини ҳимоя қилаётган Самуэль Это'О ҳам қатнашди.
Мусобақада Европа, Осиё ва Африка қитъаларининг олти клуби ва Осиёнинг 2 та терма жамоаси иштирок этади.
"Dubai Matchworld Cup 2012" мусобақаси Мактум Бин Рашид Ал-Мактум стадионида бўлиб ўтади. Стадион "Ал-Шабаб Ал-Араби" клубига тегишли бўлиб, ушбу жамоа сафида собиқ бунёдкорчи Азизбек Ҳайдаров ҳаракат қилмоқда. Иншоат 1981 йили Дубай шаҳзодаси шайх Муҳаммад бин Рашид Ал-Мактумнинг никоҳ тўйи муносабати билан қурилган.
"Ал-Шабаб" жамоаси уч марта чемпионликни ва тўрт бор мамлакат кубогини қўлга киритган.
"Dubai Matchworld Cup 2012" турнири учун икки тоифали чипталар сотувга чиқарилган. Баҳоси 30 ва 10 доллар атрофида. Чипталарни учрашув куни стадион кассаларидан сотиб олиш мумкин.
