Германия чемпионатининг 28-туридан ўрин олган «Бавария» ва «Унион» жамоалари ўртасидаги ўйинда кутилмаган ҳисоб қайд этилди.

Мюнхенликлар баҳснинг 68-дақиқасида Мусиаланинг голи эвазига ҳисобни очишди. Аммо баҳс  тугашига 5 дақиқа қолганида "Унион" ҳисобни тенглаштиришга муваффақ бўлди.

Натижада "Бавария" 2 очко йўқотди ва ўз очколарини 65тага етказди. Жадвалда 2-поғонада бораётган "Лейпциг" эса "Вердер"ни 4:1 ҳисобида мағлуб этиб, пешқадам билан орадаги фарқни бироз қисқартирди (60 очко).

Германия чемпионати, 28-тур
Бавария – Унион Берлин 1:1 (0:0, 1:1)
Голлар: 1:0 – 68 Мусиала, 1:1 – 85 Ингвартсен.
Бавария – Нойер, Сарр, Хави Мартинес, Боатенг (Павар, 66), Станишич, Киммих, Данташ (Скотт, 66), Мусиала (Ньянзу, 74), Шупо-Мотинг (Алаба, 58), Мюллер, Коман (Сане, 46).
Унион Берлин – Люте, Триммель, Кнохе, Фридрих, Ленц (Рюэрсон, 67), Андрих, Премель, Эндо (Гентнер, 80), Крузе (Тойхерт, 72), Муса (Похьянпало, 72), Бюльтер (Ингвартсен, 67).
Огоҳлантиришлар: Сарр (76), Ньянзу (83).