"Милан" учун Италия чемпионати доирасида мавсум охиригача бўлган ҳар бир баҳс муҳим аҳамиятга эга. Жамоа бугун сафарда "Парма" клуби меҳмони бўлиб, 3 очкони қўлга киритди.

"Россонери" биринчи бўлимни анча ишончли ўтказди ҳамда уюштирилган иккита чиройли комбинация эвазига 2та гол уришга муваффақ бўлди.

Иккинчи бўлимнинг 60-дақиқасида эса ҳакам Златан Ибраҳимовични майдондан четлатди (швециялик футболчига нима учун "қизил" кўрсатилгани тушунарсиз бўлди). Орадан кўп ўтмасдан "Парма" битта жавоб тўпини киритиб, ўйинга интригани қайтарди.

Иккинчи таймга қўшиб берилган дақиқаларда эса "Милан" қарши ҳужум ташкил қилиб, баҳсга нуқта қўйди — 1:3.

Ушбу ғалабадан сўнг "Милан" ўз очколарини 63тага етказди ҳамда 2-поғонани эгаллаб турибди.                

Италия А серияси, 30-тур
Парма – Милан 1:3 (0:2)
Голлар: 0:1 – 8 Ребич, 0:2 – 44 Кессиэ, 1:2 – 66 Гальоло, 1:3 – 90 Рафаэл Леау.
Парма – Сепе, Конти (Траоре, 85), Бани, Пеццелла (Бюси, 74), Гальоло, Куцка, Эрнани (Грасси, 61), Жервиньо (Корнелиус, 46), Куртич, Ман, Пелле.
Милан – Доннарумма, Тео, Томори, Калулу (Габбия, 78), Кьер, Чалханоглу (Крунич, 77), Салемакерс (Диогу Далот, 72), Кессиэ, Беннасер (Мейте, 72), Ребич (Рафаэл Леау, 84), Ибраҳимович.
Огоҳлантиришлар: Бани (10), Чалханоглу (24), Пеццелла (37), Гальоло (38), Куцка (63), Тео (78), Кессиэ (81), Мейте (90).
Четлатиш: Ибраҳимович (60).