«Бавария» дарвозасини икки бор ишғол қилган «ПСЖ» ҳужумчиси Килиан Мбаппе 22 ёшгача бўлган футболчилар орасида Чемпионлар Лигасининг энг яхши тўпурарига айланди. Франциялик футболчи барча кўрсаткичлар бўйича «Барселона» ҳужумчиси Лионель Мессидан ўзиб кетди.
«Бавария» дарвозасига дублдан кейин Мбаппенинг ЕЧЛДаги голлари сони 27тага етди. У бу борада Гризманн, Суарес, Ривалдо, Салоҳ ва Гиггз каби футболчиларни ортда қолдирди.
Мбаппенинг ЕЧЛ плей-офф босқичларида урган голлари сони 13тани ташкил қилмоқда. Франциялик футболчилар орасида ундан кўп фақат Карим Бензема урган - 19.
