Ўзбекистон Профессионал футбол лигаси одатга кўра, ҳар ой Coca-Cola Суперлиганинг энг яхши мураббийи ва футболчиси, шунингдек, энг чиройли голини аниқлаб келмоқда. Ортда қолган июнь ойида Суперлигада 2 та тур баҳслари ва бир қатор қолдирилгаи учрашувлар бўлиб ўтди. Мазкур беллашувлар давомида кўплаб футболчи ва мураббийлар ўзларини кўрсатишга эришди.

Июнь ойининг энг яхши мураббийи бўлиш учун номзодлар

Питер Хюистра (“Пахтакор”) – 3 ўйин, 2 ғалаба, 1 дуранг

Рўзиқул Бердиев (“Насаф”) – 3 ўйин, 2 ғалаба, 1 мағлубият

Миржалол Қосимов (АГМК) – 3 ўйин, 2 ғалаба, 1 мағлубият

Ҳамиджон Актамов (“Қизилқум”) – 3 ўйин, 2 ғалаба, 1 дуранг

Июнь ойининг энг яхши футболчиси бўлиш учун номзодлар

Александр Касьян (АГМК) – 3 ўйин, 3 гол

Ҳусаин Норчаев (“Насаф”) – 3 ўйин, 3 гол

Милан Митрович (“Сўғдиёна”) – 2 ўйин, 2 қуруқ ўйин

Эркин Байдуллаев (“Қизилқум”) – 3 ўйин, 3 гол

Миржаҳон Мираҳмадов (“Бунёдкор”) – 2 ўйин, 2 гол, 1 ассист

Июнь ойининг энг чиройли голига номзодлар

Шоҳмалик Комилов (“Металлург” – “Насаф” учрашувида)

Эркин Байдуллаев (“Қизилқум” – “Сурхон”)

Санжар Шоаҳмедов (“Андижон” – АГМК)

Дониёр Абдуманнопов (“Андижон” – АГМК).

Эслатиб ўтамиз, овоз бериш жараёнида Coca-Cola Суперлига клублари бош мураббийлари ва сардорлари ҳамда мухлислар иштирок этишади. Coca-Cola Суперлиганинг 14 клуби бош мураббийлари ҳамда сардорлари кўрсатилган номзодларни учталикка жойлаштириб чиқади. Дастлабки ўринда кўрсатилган номзод 3, мос равишда кейинги икки ўриндагилар 2 ва 1 очколик бўлади. ЎзПФЛ томонидан футбол мухлислари ўртасида ўтказилган сўровнома натижаси эса мураббий ва сардорлар ўртасида ўтказилган сўровнома натижаларига қўшилади. Бунда мухлислар овози катта аҳамиятга эга бўлиб, биринчи ўринни эгаллаган номзод 6, мос равишда кейингилар 4 ва 2 очкодан қўлга киритади. Якунда энг кўп балл тўплаганлар ойнинг энг яхшилари сифатида эътироф этилади. Мазкур ҳавола орқали июнь ойининг энг яхшиларини аниқлаш жараёнида иштирок этиш имкониятига эгасиз.