Халқаро учрашувларда иштирок этаётган тўртта АПЛ футболчиси Бразилиядан чиқариб юборилиши ва жаримага тортилиши мумкин. Бразилия нашри "UOL Esporte" хабарига кўра, Эмилиано Мартинез(Астон Вилла), Эми Буендиа(Норвич), Кристиан Ромеро ҳамда Жовани Ло Челсо(Тоттенхем)ларга Бразилия ҳудудига тўғридан-тўғри Англиядан келгани учун жарима белгиланиши айтилган.
Мамлакат Англияни ўзи учун тақиқланган ҳудудлар рўйхатига киритган. У ердан келиши керак бўлган фуқаролар 14 кунлик карантин зонасида бўлиб туриши талаб этилади. Маълум бўлишича, юқорида номлари қайд этилган футболчиларда агарда вирус аниқлангудек бўлса, 2000 доллар миқдорида жаримага тортилади.
Улар белгиланган қоидаларга бўйсунмаган ҳолда, аеропортга юборилиб, мамлакатни тарк этишга мажбур қилиниши ҳам мумкин. Бразилия Футбол Конфедерацияси КОНМЕБОЛни аргентиналик ўйинчилар карантинга олиниши мумкинлиги ҳақида огоҳлантирган.
Маълумот учун, Аргентина миллий терма жамоаси бугун тунда Бразилияга қарши саф тортиши керак.
