Бугундан Белградда ўтаётган бокс бўйича жаҳон чемпионатининг ярим финал беллашувлари старт олди.
Ҳозирча ушбу босқич боксчиларимиз учун омадли бошланди. -60 кг вазн тоифасида юртимиз шарафини ҳимоя қилаётган Абдумалик Халаков тўғридан тўғри финал йўлланмасини қўлга киритди.
Гап шундаки, юртдошимиз финал йўлида эронлик Дониёл Шоҳбахшга қарши жанг ўтказиши керак эди. Бироқ Шоҳбахшнинг жароҳати жиддий бўлгани боис рақиб рингга чиқмаслигини эълон қилди.
Энди Халаковнинг финалдаги рақиби Франция ва Доминикан боксчилари ўртасидаги баҳс ғолиби бўлади. Маълумот учун, кечки дастурда Мадияр Саидраҳимов кубалик Хулио Ла Крузга қарши рингга кўтарилади.
