Саудия Арабистони чемпионатида 11-тур ўйинлари бўлиб ўтди.

Ушбу турда ҳамюртимиз Жалолиддин Машарипов ҳаракат қилаётган Риёднинг "Ан-Наср" жамоаси шаҳарнинг бошқа бир клуби "Ал-Шабаб" меҳмони бўлди ва 1:0 ҳисобида имкониятни бой берди.

Учрашувдаги ягона гол 1-бўлимнинг 23-дақиқасида Хеттан Бахебри томонидан киритилди. Ўйинда ҳисоб бошқа ўзгармади – 1:0.

Жалолиддин Машарипов 90+3 дақиқада ўзгартирилди.

"Ан-Наср" 9 ўйинда 13 очко тўплаб турнир жадвалининг 9-ўрнида бормоқда. "Ал-Шабаб" 11 учрашувда 23 очко тўплаган ва айни вақтда 2-поғонада.

Саудия Арабистони Премьер-лигаси, 11-тур

"Ал-Шабаб" – "Ан-Наср" - 1:0 (1:0,0:0)

Гол: 23 - Бахебри (1:0).

Ан-Наср – Абдулла, Ал-Ганам, Ал Амри, Мори, Қосим, Ал-Хайбари Ал-Сулайҳим, Ал-Нажаи, Талиска, Жалолиддин Машарипов, Абубакар.