FIFA The Best соврини учун даъвогар футболчилар рўйхати эълон қилинди. Уларни кўриб чиқамиз:

Бензема - "Реал Мадрид" ҳақиқий лидери ва ўтиш даврида қутқарувчиси бўлиш билан бирга, Франция терма жамоасига қайтиб ўз даражасини кўрсатди.

Де Брюйне - Гвардиола жамоаларида шахслар иккинчи даражада, аммо схемани ҳам ўзига бўйсиндира оладиганлари бор, саноқли, Кевин шундай.

Роналду - Қаерга бормасин тўпурарга айланади. Терма жамоалар мутлоқ рекордчиси. "Манчестер Юнайтед"ни оғир даврида тортяпти.

Холанд - Уни орзу қилмайдиган клуб йўқ. Йўқ жойда гол юзага келтиради. Келажак уники.

Жоржиньо - Мавсум титуллари бўйича унга тенг келадигани йўқ. Чемпионлар лигаси ғолиби, Европа чемпиони, УЕФА талқинида энг яхши.

Канте - Мотор, ишонч тимсоли, энг камтар футболчи. Ҳамманинг бирдек эътирофига сазовор.

Левандовски - Голлар машинаси. Икки мавсумнинг энг зўр тўпурари. Голлар сони бўйича ўша жуфтликдан ўта олган шахс.

Мбаппе - Талант, жисмоний куч, атлетизм, тезлик, техника уйғунлашуви бўйича ҳозирда тенгсиз. Лидерликни олиш қолди.

Месси - Азалий орзусига эришди ва Копани ютди. Мавсумни терма жамоага атади. Клуб миқёсида эса унинг исботлайдиган нарсаси йўқ.

Неймар - Истеъдод бўйича рўйхатда энг зўри, интизом бўйича энг ёмони. Лекин шуниси билан у ўша биз билган Неймардир, футбол у учун завқ.

Салоҳ - Ливерпуль таркибидаги энг яхши тўпурар, энг яхши ассистент, энг яхши футболчи. Барчасини ўз зиммасига оладиган етакчи.

Қийин танлов… расман эълон қилингунча вақт бор. Ўзингиз нима дейсиз?

Даврон Файзиев.