"Пахтакор" Чемпионлар Лигасида "D" гуруҳида ўйнайди.
Чемпионлар Лигасининг 2022 йилги мавсуми гуруҳ баҳсларига қуръа ташланди.
Унга кўра, "Пахтакор" "D" гуруҳида Қатарнинг "Дуҳайл", Эроннинг "Сепахан" ва плей-офф беллашувида ўйнайдиган Саудия Арабистонининг "Ал Таъавун" ёки Суриянинг "Ал Жаиш" клублари билан тўқнаш келади.
Гуруҳ босқичи баҳслари 7-27 апрель кунлари марказлашган тартибда ўтказилади. Гуруҳ ўйинлари бўлиб ўтадиган мамлакатлар номи ОФК томонидан кейинроқ эълон қилинади.
Нимчорак, чорак ва ярим финал учрашувлари 2023 йилнинг февраль ойида ўтказилиши режалаштирилган.
