Италиянинг "Милан" клуби ҳужумчиси Златан Иброҳимович ўз имзоси туширилган футболкасини жигарини кўчириш учун жарроҳлик амалиётини ўтиши керак бўлган Эрик Абидалга совға қилди.
Швециялик футболчи футболкасини Европа Чемпионлар Лигасининг чорак финалида "Барселона"га қарши учрашувдан кейин Сейду Кейтага топширди ва уни Абидалга етказиб беришини илтимос қилди.
"Эрик унинг дўсти. Златан унинг ҳозир қандай қийин кунларни бошидан кечираётганини жуда яхши билади. Бу футболчига йўлланган жуда ҳам чиройли далда бўлди", дейди Сейду Кейта.