Испаниянинг «Барселона» клуби бош мураббийи Хави Ла Лига 24-туридан ўрин олган «Эспаньол»га қарши ўйиндан (2:2) сўнг, «кўк-анорранглилар»нинг чемпионлик учун имкониятларини баҳолади.
"Ҳа, бизнинг ҳолатимизда чемпионлик учун курашиш жуда қийин. Биз яна бир бор орқага қадам ташладик. Аммо курашни давом эттиришдан бошқа ҳеч қандай чорамиз ҳам қолмади.
Мавсум охирига қадар нималар бўлиб кетишини билмаймиз. Шундай экан, барчасини кузатганимиз маъқул", – дейди Хави.
Маълумот учун, 24-турдан сўнг «Барселона» пешқадам "Реал Мадрид"дан 15 очко ортда қолган ҳолда 4-ўринни эгаллаб турибди. Шунингдек, жамоанинг ҳисобида битта захира учрашуви ҳам мавжуд.