Луис Суарес ёзда "Атлетико"ни тарк этиши мумкин. Испания клуби ҳали 35 ёшли уругвайлик футболчига янги шартнома таклиф қилмаган, шу боис у ёзда эркин агент мақомига эга бўлиши мумкин, деб хабар беради Маrcа.
Суаресга "Интер", "Севилья", "Аякс" ҳамда Бразилиянинг бир қанча клублари қизиқиш билдиришган.
Ҳужумчи жорий мавсумда "Атлетико" сафида барча турнирларда 35 та ўйинда майдонга тушди. Унинг ҳисобида 11 та гол ва 3 та голли узатма бор.













