Роман Абрамович ҳозирча Португалия фуқаролигидан маҳрум этилмайди.
Португалия Адлия вазирлигининг маълум қилишича, "Челси" хўжайини мамлакат фуқаролигидан маҳрум бўлмайди, чунки Буюк Британия томонидан бизнесменга нисбатан жорий қилинган санкциялар унинг Европа Иттифоқидан чиқиши сабабли, Буюк Британиядан ташқарида қўлланилмайди.
Шу билан бирга, Португалия ҳукуматидаги манба Reuters агентлигига вазият қандай ривожланишига қараб, Абрамович келажакда Португалия фуқаролигидан маҳрум этилиши мумкинлигини айтди.
Абрамович Португалия фуқаролигини 2021 йилнинг апрель ойида Сефарад яҳудийларининг авлодлари учун «қайтиб келиш қонуни» асосида олган.
