Про лига иштирокчиси "Бухоро" клуби ўз стадионидаги майсанинг янгиланиш жараёни ҳақида хабар берди.
"Хабарингиз бор, Бухоронинг "Марказий" стадионидаги майдон чимини янгилаш бўйича ишлар олиб борилаётган эди. Мамлакатимизнинг "Насаф" ва "Навбаҳор" жамоалари стадионларида майдон майсасини ўстирган мутахассислар, эндиликда бизнинг бош стадионимизда иш олиб боришмоқда.
Майдон дренаж тизими бутунлай янгиланиб, яқинда тайёр майса келтирилиб ётқизилди. Ҳозирги кунда, майдондаги майсанинг тайёр ҳолга келиши учун, охирги босқич ишлари давом эттирилмоқда. Майдоннинг футбол учрашувларига тайёр ҳолга келишига оз қолди азизлар!", - дея хабар берган клуб расмий Telegram канали.
