"Барселона"нинг 21 ёшли ҳимоячиси Сержиньо Дест фаолиятини Италия А сериясида давом эттириши мумкин. "Рома" америкалик футболчининг хизматларига қизиқиш билдирмоқда, деб хабар беради Correira dello Sport.
Манбага кўра, футболчининг ўзи Италия клубига ўтишга қарши эмас. Дест билан ишлашга "Рома" бош мураббийи Жозе Моуриньонинг шахсан ўзи қизиқмоқда.
Агар Дестнинг трансфери амалга ошмаса, римликлар "Манчестер Юнайтед" футболчиси Диогу Далотга эътиборини қаратишади.
Дестнинг Каталония клуби билан шартномаси 2025 йилнинг 30 июнида тугайди. Transfermarkt интернет портали маълумотларига кўра, футболчининг бозор нархи 18 миллион еврони ташкил этади.
Жорий мавсумда америкалик футболчи Испания Ла Лигасининг 18 та учрашувида 3 та голли узатмани амалга оширган.
