Фарғонанинг “Нефтчи” клуби кеча Тошкент - Истанбул - Амман йўналиши бўйича Иорданияга жўнаб кетди. Жамоа бош мураббийи Юрий Саркисян ушбу сафарга бетоблиги сабабли кетмади. Жамоанинг ёш ярим ҳимоячиси Павел Смоляченко эса сафга қайтди. Шерзод Ҳакимов қизил карточка олганлиги сабабли жамоага ёрдам бера олмайди ва Иорданияга бормайди. Жамоа бош мураббийи сифатида Сергей Лебедев жамоани майдонга олиб тушади.
Эслатиб ўтамиз, ОФК кубоги 5-тури доирасидан ўрин олган “Ал Виҳдат” ҳамда “Нефтчи” жамоалари ўртасидаги учрашув 24 апрель куни Иорданияда бўлиб ўтади.













