”Аждарлар” эртага ОЧЛ 2-турида Иорданиянинг энг совриндор жамоаларидан бири “Ал-Виҳдат” жамоаси билан куч синашади.
Бу жамоалар ҳам бир-бирига бегона эмаслар. Жамоалар 2011 йилда ОФК Кубоги ярим финалида ўзаро рўбарў келишган. Қаршида бўлиб ўтган беллашувда “Аждарлар” 1:0 ҳисобида ғалаба қозонишган. Учрашувдагу ягона голга Жаҳонгир Жиямуродов муаллифлик қилган.
Иордания пойтахти Амман шаҳрида бўлиб ўтган жавоб учрашувида 1:1 ҳисобидаги дуранг натижа қайд этилган. Иван Бошкович ҳисобни тенглаштириб жамоамизни финалга олиб чиққан.
“E” гуруҳи 2-тур “Насаф” — “Ал-Виҳдат” учрашуви Тошкент вақти билан эртага соат 22:15 да бошланади.
