ОФК Кубоги 6-туридан ўрин олган "Нефтчи" ва “Салгоакор” жамоалари учрашувидан олдин меҳмонлар устози Карим Бенчерифа ўйин борасидаги фикрлари билан ўртоқлашди.

«Гарчи эртанги ўйин натижаси ҳар иккала жамоа аъзолари учун бирдек — аҳамиятсиз бўлишига қарамасдан жамоамиз билан Фарғонага фақат ғалаба қозониш учун ташриф буюрдик».

«Гуруҳ босқичида фақатгина бир марта ғалаба қозондик, Ҳа гуруҳ босқичи биз учун омадсиз ўтди. Аммо жамоамиз барча ўйинларда бор кучларини сарфлаб ғалаба учун ҳаракат қилишди, аммо баъзи учрашувларда биздан омад юз ўгирди, баъзиларида эса аксинча тан олиш керак кучимиз етмади».

Гуруҳимиздаги ҳеч қайси жамоани алоҳида кўрсата олмайман. Аммо “Ал- Виҳдат”нинг ушбу гуруҳда бошқаларга қараганда тажриба жиҳатидан устун эканини айтишим мумкин. “Нефтчи” эса ўз вақтида ОЧЛда ҳам қатнашиб яхшигина натижага эришган. Жамоа бош мураббийи ҳам жамоага мос равишда анча тажрибали эканлигини амалда исботлаб келмоқда. Қисқа қилиб айтадиган бўлсам гуруҳдан ҳақли равишда кучли жамоалар кейинги босқичга йўл олишди. Ишонаманки "Нефтчи" кейинги босқичда ҳам ўз мухлисларини қувонтиришда давом этади», дея мураббийнинг сўзларидан иқтибос келтирмоқда "Нефтчи" клуби расмий сайти.