Нидерландия Эредивизиясининг 33-турида ПСВ чемпионлик учун сўнгги имкониятларини йўқотди. Бундан унумли фойдаланган "Аякс" эса ўз тарихида 36-марта чемпионликни қўлга киритди.
Ушбу турда ҳар икки жамоа ҳам ғалаба қозонди: “Аякс” 5:0 ҳисобида ғалаба қозонган бўлса, ПСВ НЕК жамоасини қийинчилик билан мағлуб этди – 3:2.
ПСВнинг ушбу ўйиндаги иккинчи голига Эрик Гутьеррес муаллифлик қилди ва бу гол - унинг мавсумдаги илк голи бўлди. Эрик Гутьеррес жорий мавсумда Эредивизияда гол урган ПСВнинг 21-ўйинчиси бўлди.
Шу кунгача Нидерландия чемпионати тарихида ҳеч бир клубнинг 21 та футболчиси бир мавсум мобайнида гол киритишга эришмаган.
