"Манчестер Сити" футболчиси Илкай Гюндоган фаолиятини Испания чемпионатида давом эттириши мумкин, дея хабар беради Marca.
Манбанинг таъкидлашича, 31 ёшли Германия терма жамоаси аъзоси инглиз клубини "Реал" Мадридга алмаштириши мумкин. Гюндоган бугун Испания пойтахтига учиб кетган ва катта эҳтимол билан "қаймоқранглилар" раҳбарияти билан трансфер борасида музокара олиб боради.
Шунингдек, Илкайга Каталониянинг "Барселона" жамоаси ҳам қизиқиш билдирган.
Немис футболчи жорий мавсум "шаҳарликлар" сафида 42 учрашувда майдонга тушиб, 8 гол ва 7 та голли узатма муаллифига айланган.
Transfermarkt маълумотларига кўра, хавбекнинг нархи 35 миллион еврони ташкил қилади. Унинг "Манчестер Сити" билан шартномаси 2023 йилнинг ёзига қадар амал қилади.
