Илк марта ташкил этилган Европа конференциялар лигаси финалида «Рома» Нидерландиянинг «Фейеноорд» клуби билан тўқнаш келиб, кичик ҳисобда ғалаба қозонди. УЕФА мазкур ўйин якуни бўйича ҳафтанинг энг яхши футболчиси совринига даъвогарлар рўйхатини эълон қилди.

Крис Смоллинг ("Рома" ҳимоячиси) — "Фейеноорд"га қарши ўйинда рақибдан тўпни бир марта олиб қўйди, 4 марта тўпни ўз жамоаси назоратига қайтарди ва узатмаларининг 90 фоизи аниқ бўлди.

Руй Патрисиу ("Рома" дарвозабони) — "Фейеноорд"га қарши баҳсда 5та сэйв намойиш этиб, 4 марта тўпни эгаллаб олди.

Оркун Кўкчю ("Фейеноорд" ярим ҳимоячиси) — "Рома"га қарши учрашувда 10.52 км масофа босиб ўтди, энг юқори тезлиги 28,6 км/соат бўлди. Узатмаларининг 89 фоизи аниқ бўлди.

Николо Дзаньоло ("Рома" ярим ҳимоячиси) — "Фейеноорд"га қарши ўйинда ғалаба тўпини киритди. Баҳс давомида 8,55 км масофа босиб ўтди, узатмаларининг аниқлиги 40 фоиз бўлди.