Афсонавий Пеле ўз мухлисларига мурожаат қилди. У уларни соғлиғи ҳақидаги хабарларга камроқ эътибор беришга чақирди. Ўтган йили Пеле жарроҳлик амалиётини бошдан кечирди, шундан бери у доимий равишда шифокорлар назоратида бўлди.
"Мен сизга ўз суратимни юборяпман, қўллаб-қувватлаганингиз учун сизга раҳмат айтмоқчиман. Мен ғамхўрлиги учун хотинимга, шунингдек, қўллаб-қувватлаганингиз учун барчангиздан жуда миннатдорман.
Ҳар хил миш-мишлардан, ёлғон хабарлардан чарчаганим учун суратни эълон қиляпман. Саломатлик идеал эмаслиги аниқ, муаммолар бор, лекин мен таслим бўлмайман. Ҳаммага рахмат!" - деб ёзди Пеле ижтимоий тармоқлардан бирида.
