“Ювентус” бош мураббийи Массимилиано Аллегри “Торино”га қарши принципиал ўйинда мағлуб бўлган тақдирда ҳам истеъфога чиқарилмайди, деб хабар бермоқда Tuttosport нашри.
"Торино" - "Ювентус" учрашуви бугун Тошкент вақти билан 21:00 да бошланади.
Италия чемпионатининг 9-туридан сўнг “Ювентус” 13 очко билан турнир жадвалида 8-ўринда бормоқда. Чемпионлар лигасида ҳам Аллегри жамоасининг ишлари яхши эмас. Ўтказилган тўртта ўйинда "Ювентус" битта ғалабага эриша олди ва айни дамда "Н" гуруҳи жадвалининг сўнгги ўринида бормоқда.
Эслатиб ўтамиз, Аллегри қўл остида Турин клуби беш марта Италия чемпиони бўлган, шунингдек, икки марта Чемпионлар лигаси финалига чиққан.
