Босния футбол иттифоқи миллий терма жамоанинг Россия терма жамоаси билан ўтказадиган ўртоқлик ўйини бекор қилинганини маълум қилди, бу ҳақда ташкилот расмий сайти хабар берди.
Босния федерацияси президенти Вико Желкович ўйин номаълум муддатга қолдирилганини айтди.
Россия – Босния учрашуви 19 ноябрь куни Санкт-Петербургда бўлиб ўтиши керак эди. Бироқ бир қатор босниялик футболчилар Россия терма жамоаси билан ўйинга қаршилик кўрсатишди.
Февраль ойи охирида Халқаро футбол федерацияси (ФИФА) ва Европа футбол ассоциациялари иттифоқи (УЕФА) Россия жамоалари ва футбол клубларини ташкилотлар шафелигидаги барча мусобақаларда иштирок этишдан четлаштиришга қарор қилганди.
