Португалия терма жамоаси бош мураббийи Фернанду Сантуш ҳужумчи Криштиану Роналдунинг ЖЧ-2022 гуруҳ босқичининг Кореяга қарши ўйинида (2:1) алмаштирилганига муносабати ёқмаганлигини айтди.
"Ҳа, мен Роналду алмаштирилганда унинг муносабати тасвирини кўрдим. Менга умуман ёқмади. Бундай масалалар ёпиқ эшиклар ортида ҳал қилинади. Ҳозир эса бу масала аллақачон ёпилган", - дея Сантушнинг сўзларини келтиради Daily Mail.
Португалия ОАВлари футболчи алмаштирилганидан сўнг майдонни тарк этаётганда бош мураббийга нисбатан ҳақоратомуз сўзларни ишлатганини хабар қилди.
ЖЧ-2022 1/8 финали доирасидаги Португалия ва Швейцария терма жамоалари ўртасидаги учрашув 6 декабрь куни бўлиб ўтади.
