Марокаш - Португалия учрашуви олдидан бир мухлис Криштиану Роналдунинг устидан сув сепмоқчи бўлди.
Ҳодиса 37 ёшли форвард ўйин бошланишидан олдин ўз жамоаси захира ўриндиғига ўтаётган вақтда содир бўлган. Мухлислардан бири трибунадан эгилиб, Роналдуга шишадаги сув сепди. Мухлисни дарҳол бошқа мухлислар тўхтатиб қолишди.
Кейин соқчилар етиб келишди, улар эркак билан гаплашиб, кейин уни стадиондан чиқариб юборишди.
Португалия ЖЧ-2022 чорак финалида Марокашга 0:1 ҳисобида имкониятни бой берди. Роналду 51-дақиқада захирадан майдонга тушди.
